საქართველოს შოთა რუსთაველის თეატრისა და კინოს სახელმწიფო უნივერსიტეტში 2007 წლიდან შეიქმნა გამომცემლობა "კენტავრი", რომელიც მიზნად ისახავს საუნივერსიტეტო მოთხოვნების შესაბამისად, სპეციფიკური, სამეცნიერო ჟურნალ-გაზეთებისა და სახელმძღვანელოების გამოცემას.
«კენტავრი” არის საუნივერსიტეტო გამომცემლობა, რომელიც აერთიანებს უნივერსიტეტის სტუდენტურ გაზეთს «დურუჯი», სახელოვნებო მეცნიერებაში მოღვაწეთა საერთაშორისო, რეფერირებული შრომების კრებულს «სახელოვნებო მეცნიერებათა ძიებანი»; აგრეთვე აქვეყნებს: სახელმძღვანელოებს, დამხმარე სახელმძღვანელოებს, ცნობარებს, ქრესტომათიებს, თარგმანებს, უნივერსიტეტის პროფესორ-მასწავლებელთა წიგნებს, სხვა სახის გამოცემებს.

რეფერირებული სამეცნიერო შრომათა კრებული „სახელოვნებო მეცნიერებათა ძიებანი“ აერთიანებს სახელოვნებო უმაღლესი სასწავლებლების პროფესორთა, მეცნიერთა და დამოუკიდებელ ავტორთა, ახალგაზრდა მეცნიერთა თეორიულ ნაშრომებს სახელოვნებო სფეროში.